Kuchh is adaa se aaj wo- Jigar Moradabadi

* * *

Jigar Moradabadi (1890-1960)

***

Kuchh is adaa se aaj wo pehlu nashin' rahe-

jab tak hamaare paas rahe, hum nahin rahe..

ya rab kisi ke raaz-e mohabbat ki khair ho-

dast-e junu' rahe na rahe aasteen' rahe..

iieemaan-o kufr aur na duniya-o dee' rahe-

ae ishq shadabash ke tanhaa hamin' rahe..

dard-e gham-e firaaq ke ye sakht marhale-

hairaan' hun' main' ke phir bhi tum itne haseen' rahe..

jaa aur koi zabt ki duniya talaash kar-

ae ishq hum to ab tere qaabil nahin' rahe..

Allah re chashm-e yaar ki maujiz bayaniyaan'-

har ek ko hai gumaa' ke mukhaatib hamin' rahe..

mujh ko nahin' qabool do aalam ki wus'aten'-

qismat mein koo-e yaar ki do gaz zameen' rahe..

is ishq ki talaafi-e maafaat dekhna-

rone ki hasratein' hain' jab aansu nahin' rahe..

(Jigar Moradabadi)