Tuesday, March 6, 2012

Woh jo hum mein tum mein qaraar tha - Momin Khan Momin






Woh jo hum mein’ tum mein’ qaraar tha, tumhein’ yaad ho ke na yaad ho-
Wahi yaani waada nibaah ka, tumhein’ yaad ho ke na yaad ho..

Woh jo lutf mujh pe the peshtar, woh karam ke tha mere haal par-
Mujhe sab hai yaad zara zara, tumhein’ yaad ho ke na yaad ho..

woh naye gile woh shikaayatein’, woh maze maze ki hikaayatein-
woh har aik baat pe roothna, tumhein’ yaad ho ke na yaad ho..

kabhi baithe sab mein’ jo ru-ba-ru, to ishaaraton’ se hi guftagu-
woh bayaan shauq ka barmalaa, tumhein’ yaad ho ke na yaad ho..

koi baat aisi agar hui, ke tumhare ji ko buri lagi-
to bayaan’ se pehle hi bhoolna, tumhein’ yaad ho ke na yaad ho..

kabhi hum mein’ tum mein’ bhi chaah thi, kabhi hum se tum se bhi raah thi-
kabhi hum bhi tum bhi the aashna, tumhein’ yaad ho ke na yaad ho..

suno! zikr hai kai saal ka, ke kiya aap ne ek waadaa tha-
so nibaahne ka to zikr kya, tumhein’ yaad ho ke na yaad ho..

jise aap ginte the aashnaa, jise aap kehte the baawafaa-
main’ wahi hun’ Momin’ mubtala, tumhein’ yaad ho ke na yaad ho..

(Momin Khan’ Momin’)

2 comments:

  1. I love this ghazal, I just have a feeling it has more stanza's, but I'm not sure :(

    ReplyDelete
  2. Beautiful ghazal by Momin khan Momin....

    He really changed my way of living and thinking...

    and please also listen to this video

    same ghazal sun by Begum Akhtar.....

    https://www.youtube.com/watch?v=Uzq1rpuFMig

    One of the best written ghazal....

    ReplyDelete